Mondragon Unibertsitateak bultzatutako egitasmoa da "Design Pills”, eta diseinuaren esparru profesionala ikasleei eta, oro har, publikoari gerturatzeko helburuarekin aurkeztu da. Bilbao Design Week 2020 ekimenaren barruan garatuko den edizio berezi honetan pertsonengan zentratutako diseinuari lotutako esperientzia eta bizipen profesionalak partekatuko dira, hain zuzen ere pertsonak diseinua garatzeko prozesuan txertatu eta inplikatzeko garrantzia nabarmenduz, haien beharrizanak hobeto ulertzeko eta pertsonekin enpatizatzeko; hala, pertsonen beharrizanak eta espektatibak hobeto beteko dituen emaitza lortu ahalko da.